2025 ஆம் ஆண்டுக்குள் தங்கத்தின் விலை மேலும் உயர வாய்ப்புள்ளதாக நிபுணர்கள் தெரிவித்துள்ளனர். கடந்த சில மாதங்களாகவே தங்கம் சர்வதேச சந்தையில் அதிரடி உயர்வை பதிவு செய்து வருகிறது. உலகளவில் நிலவும் பொருளாதார சூழ்நிலை மற்றும் அரசியல் பதற்றங்கள் தங்கத்தின் விலையை மேலே இழுத்துச் செல்லும் முக்கிய காரணிகளாகக் காணப்படுகின்றன.

தற்போது ஒரு அவுன்ஸ் தங்கத்தின் விலை சர்வதேச சந்தையில் சுமார் 2,700 அமெரிக்க டாலராக உள்ளது. இந்திய மதிப்பில் இதன் பெறுமதி 10 கிராமுக்கு ₹87,000 வரை செல்லும் என கணிக்கப்படுகிறது. இது வரலாற்றில் முதன்முறையாகும். சில நாட்களுக்கு முன்பு டெல்லியில் உள்ள புல்லியன் சந்தையில் 10 கிராம் தங்கம் ₹77,900 என்ற உச்ச விலையை எட்டியது.

நிபுணர்கள் கூறுவதாவது, வரவிருக்கும் மாதங்களில் இந்த விலை மேலும் உயர்ந்து $3,000 அமெரிக்க டாலரைத் தாண்டும் என அவர்கள் நம்பிக்கை தெரிவிக்கின்றனர். இதற்கான காரணங்களில் முக்கியமாக புவிசார் அரசியல் குழப்பங்கள், அமெரிக்காவின் வட்டி விகிதக் குறைப்பு, சீனாவிலிருந்து வரக்கூடிய அதிக தேவை மற்றும் மத்திய வங்கிகளின் தங்க கொள்முதல் நடவடிக்கைகள் குறிப்பிடத்தக்கவை.

அமெரிக்க பெடரல் ரிசர்வ் வட்டி விகிதங்களை குறைக்கும் வாய்ப்புகள் மற்றும் மத்திய கிழக்கில் ஏற்படும் போர் நிலைமைகள் போன்றவை சர்வதேச சந்தைகளில் பெரும் தாக்கத்தை ஏற்படுத்தி உள்ளன. இதனால் தங்கம் பாதுகாப்பான முதலீட்டு தேர்வாக மாறியுள்ளது.

ஐக்கிய அரபு எமிரேட்ஸில் உள்ள நூர் கேபிட்டலின் மூத்த துணைத் தலைவர் பிலிப் லீல் கேமேஜோ கூறியதாவது, “தங்கத்தின் விலை உயரும் நிலையில் உள்ளதற்கான பல காரணங்கள் உள்ளன. உலக நாடுகள் டாலரின் ஆதிக்கத்திலிருந்து விலகி தங்கத்தை விரும்புகின்றன. இதை மத்திய வங்கிகளின் கொள்முதல் பாட்டெர்ன்கள் உறுதிப்படுத்துகின்றன.”

கமாஸ்ஸோவின் நிறுவன ஆய்வின் அடிப்படையில், கோல்ட்மேன் சாக்ஸ் தங்கத்தின் எதிர்கால விலையை முதலில் $2,700 என மதிப்பீடு செய்தது. ஆனால் சமீபத்தில் இதை $2,900 ஆக உயர்த்தியுள்ளது. விலைகள் $2,700 முதல் $3,000 வரை மெதுவாக சென்று, 2025 முதல் காலாண்டில் $3,000 விலையை எட்டும் என நிபுணர்கள் நம்புகின்றனர்.

மொத்தத்தில், தங்கத்தின் விலை சீராக உயரும் என எதிர்பார்க்கப்படுகிறது. குறைந்த வட்டி விகிதங்கள், அமெரிக்க தேர்தலால் ஏற்படும் நிச்சயமற்ற நிலை மற்றும் சீனாவிலிருந்து அதிகப்படியான வாங்கல் ஆகியவை தங்கத்தில் முதலீட்டுக்கு புதிய வாசலைத் திறக்கின்றன. எனவே 2025 ஆம் ஆண்டில் தங்கம் தங்கும் அளவுக்கு உயர வாய்ப்பு மிக அதிகமாக உள்ளது.

தங்க முதலீட்டாளர்கள் இது போன்ற சந்தை மாற்றங்களை கவனிக்க வேண்டும், எதிர்கால விலை உயர்வுகளில் பலனடைய தேவையான நடவடிக்கைகளை முன்னதாகவே எடுக்க பரிந்துரை செய்யப்படுகிறது.